കാലിക്കറ്റ് സർവകലാശാല ക്രിക്കറ്റ് ചാംപ്യൻഷിപ് സെയ്ന്റ് . തോമസ് കോളേജ് തൃശൂരിന്

 

വാശിയേറിയ  കാലിക്കറ്റ്  സർവകലാശാലയുടെ ഇന്റർകോളേജിയേറ്റ് ക്രിക്കറ്റ് ചാമ്പ്യൻഷിപ്പിൽ  സെയ്ന്റ് . തോമസ് കോളേജ് തൃശൂർ  വിജയികളായി .ശ്രീ കേരള വർമ്മ കോളേജ് തൃശ്ശൂരിൽ അരങ്ങേറിയ ചാപ്യൻഷിപിൽ ആതിഥേയരായ  ശ്രീ കേരള വർമ്മ കോളേജിനെ പരാജയപെടുത്തിക്കൊണ്ടാണ്   സെയ്ന്റ് . തോമസ്  കിരീടത്തിൽ മുത്തമിട്ടത്. ടോസ് നേടി ബാറ്റിംഗ് തിരഞ്ഞെടുത്ത ശ്രീ കേരള വർമ്മ കോളേജിനെ 171റൺസിന്‌   ഓൾ ഔട്ട് ആക്കിയപ്പോൾ സെയ്ന്റ് . തോമസ് കോളേജിന് വേണ്ടി അക്ഷയ് ടി. കെ  6  വിക്കറ്റുകൾ ,  അഫ്രെഡ് മൂന്ന് വിക്കറ്റും , ക്യാപ്റ്റൻ കിരൺ സാഗർ ഒരു വിക്കറ്റും നേടി. 172  റൺസ് വിജയലക്ഷ്യവുമായി ബാറ്റിംഗ് ഇറങ്ങിയ സെയ്ന്റ്. തോമസ് കോളേജ്  7  ഓവറുകൾ ബാക്കിനിൽക്കെ അനായാസം വിജയം നേടുകയായിരുന്നു. സെയ്ന്റ്. തോമസ് കോളേജിന് വേണ്ടി ജോ ഫ്രാൻസിസ്  62  റൺസും , ആസ്വിൻ ജി 32  റൺസും , അനിരുദ്ധ് 29  റൺസും അടിച്ചു കൂട്ടി . ഈ കഴിഞ്ഞ കാലിക്കറ്റ് യൂണിവേസിറ്റി  ഡി - സോൺ ക്രിക്കറ്റ് ചാമ്പ്യൻഷിപ്പിലും  കേരള വർമ്മ , സെന്റ് . തോമസ് ഫൈനൽ അരങ്ങേറിയിരുന്നു . ആ മത്സരത്തിൽ കേരള വർമ്മ കോളേജിനെ 88  റൺസിന്‌ ഓൾ ഔട്ട് ആക്കി കൊണ്ട് 8  വിക്കറ്റ് ജയം സെന്റ്. തോമസ്  നേടിയിരുന്നു. വിജയികൾക്ക്  കാലിക്കറ്റ് സർവകലാശാല ക്രിക്കറ്റ് ടീം സെക്ടർ  ക്യാപ്റ്റൻ . രാജേഷ് മാധവൻ  ട്രോഫികൾ നൽകി . പ്രീ ക്വാർട്ടർ മത്സരത്തിൽ  ഷൊർണൂർ  സ്. ൻ   കോളേജിനെ 99    റൺസിന്‌ ഓൾ ഔട്ട് ആക്കികൊണ്ടു  7  വിക്കറ്റ് വിജയവും , ക്വാർട്ടർഫൈനൽ മത്സരത്തിൽ   ഗവർമെന്റ് കോളേജ് ഫിസിക്കൽ എഡ്യൂക്കേഷൻ കോളേജിനെതിരെ 282  എന്ന കൂറ്റൻ സ്കോർ എടുക്കുയും 150   റൺസിന്‌ മുകളിൽ ആധികാരികമായ വിജയം നേടുകയും ചെയ്തിരുന്നു . സെമി മത്സരത്തിൽ ശ്രീ കൃഷ്ണ കോളേജ് ഗുരുവായൂർ നെ 66  റൺസിന്‌ ഓൾ ഔട്ട് ആക്കി  കൊണ്ട് സമ്പൂർണ ജയവും കൈവരിച്ചാണ് സെന്റ് , തോമസ് കോളേജിന്റെ ഫൈനൽ  പ്രവേശനവും  ഫൈനലിലെ വിജയവും

കാലിക്കറ്റ് യൂണിവേഴ്സിറ്റി ക്യാമ്പിലേക്കുള്ള സെലെക്ഷൻ ലിസ്റ്റിൽ സെന്റ് , തോമസ് കോളേജിൽ നിന്നും 5  ഉം , കേരള വർമ്മ കോളേജിൽ നിന്നു 6 ഉം , ശ്രീ കൃഷണ കോളേജിൽ നിന്ന് 4 , എം. ഇ. സ് കല്ലടി കോളേജിൽ നിന്ന് 3  പേരും ക്രൈസ്റ്റ് കോളേജ് , ഫാറൂഖ് കോളേജ് ,ഗവർമെന്റ് കോളേജ് ഫിസിക്കൽ എഡ്യൂക്കേഷൻ  കോളേജിൽ നിന്നു 2  പേരെയും , സെന്റ് ജോസഫ് കോളേജ് ദേവഗിരി , പി.ടി. എം കോളേജിൽ നിന്ന് ഓരോ കളിക്കാരെ തിരഞ്ഞെടുത്തു.

                                                                    __________________

We kindly request🙏 you to join the WhatsApp group of The CampusLife online 

to get the updates of Upcoming Seminars, Conferences, Management  meets, Quizzes etc..