സെന്റ് തോമസ് കോളേജിൽ ഫിസിക്സ് ഡിപ്പാർട്ടുമെന്റിന്റെ സെന്റിനറിയോടനുബന്ധിച്ച് മീറ്റ് ദ എന്റർപ്രണറർ - ശ്രീ കൊച്ചൗസേഫ് ചിറ്റിലപ്പിള്ളി എന്ന പ്രോഗ്രാം സംഘടിപ്പിച്ചു. കോളേജ് പ്രിൻസിപ്പാൾ - റവ.ഡോ.മാർട്ടിൻ കൊളമ്പ്രത്ത് അധ്യക്ഷത വഹിച്ച പരിപാടി, കേരള സംസ്ഥാന ആസൂത്രണ കമ്മീഷനിൽ മുൻ അംഗവും പൂർവ്വ വിദ്യാർത്ഥിയുമായ ശ്രീ. സി.പി. ജോൺ ഉൽഘാടനം ചെയ്തു. 
കോളേജിലെ ഫിസിക്സ് ഡിപ്പാർട്ടുമെന്റിലെ ബിരുദ ബിരുദാനന്തര ബിരുദ വിദ്യാർത്ഥിയായിരുന്ന വി - ഗാർഡ് ഗ്രൂപ്പ് ഓഫ് ഇൻഡസ്ട്രീസ് ഉടമ, ശ്രീ.കൊച്ചൗസേഫ് ചിറ്റിലപ്പിള്ളി മുഖ്യ പ്രഭാഷണം നടത്തുകയും വിദ്യാർത്ഥികളുമായി സംരംഭകത്വത്തെ പറ്റി സംവദിക്കുകയും ചെയ്തു. സെന്റ് തോമസ് കോളേജിൽ സ്വന്തമായി വീടില്ലാത്ത ബി.പി.എൽ. കുടുംബങ്ങളിൽ നിന്നുള്ള വിദ്യാർത്ഥികൾക്ക്, കൊച്ചൗസേഫ് ചിറ്റിലപ്പിള്ളി ഫൗണ്ടേഷന്റെ നേതൃത്വത്തിൽ വീടു നൽകാനുള്ള വാഗ്ദാനം നൽകി.
കോളേജ് എക്സികുട്ടീവ് മാനേജർ, റവ.ഫാ.ബിജു പാണേങ്ങാടൻ അനുഗ്രഹ പ്രഭാഷണം നടത്തി. ഡിപ്പാർട്ടുമെന്റ് മേധാവി - ഡോ.ജോ കിഴക്കൂടൻ , ശതാബ്ദിയാഘോഷ കൺവീനർ - ഡോ. ഡെയ്സൻ പാണേങ്ങാടൻ, പൂർവ്വ വിദ്യാർത്ഥി സംഘടനയുടെ എക്സികുട്ടിവ് കമ്മിറ്റിയംഗം - ശ്രീ. സാജൻ വി.പി. എന്നിവർ പ്രസംഗിച്ചു.
www.TheCampusLifeOnlne.com
കോളേജുകളിൽ നടക്കുന്ന ഇത്തരം പ്രോഗ്രാമുകളെക്കുറിച്ചറിയുവാൻ ഞങ്ങളുടെ WhatsApp ഗ്രൂപ്പിൽ Join ചെയ്യൂ....
