ഇരിങ്ങാലക്കുട സെന്റ് ജോസഫ്സ് കോളേജ് ഓട്ടോണമസിൽ മാധ്യമ പഠന വിഭാഗത്തിന്റെ നേതൃത്വത്തിൽ 'പോയിന്റ് ബ്ലാങ്ക്' അസോസിയേഷന്റെ ഉദ്ഘാടനം ആർട്ടിസ്റ്റ് എം. മോഹൻദാസ് നിർവഹിച്ചു. ചടങ്ങിന് സെൽഫ് ഫിനാൻസിങ് കോഴ്സ് കോർഡിനേറ്റർ ഡോ. സി. റോസ് ബാസ്റ്റിൻ അധ്യക്ഷത വഹിച്ചു.മാധ്യമ പഠനവിഭാഗം ആരംഭിച്ച് 18 വർഷം പൂർത്തീകരിച്ചെന്നൊരു സവിശേഷത ഉള്ളതിനാൽ
ചടങ്ങിൽ മാധ്യമ പ്രവർത്തനത്തിന്റെ വിവിധ മേഖലകളിൽ നിന്നായി 18 മാധ്യമ പ്രവർത്തകർ പങ്കെടുത്തു. മായാവി, ലുട്ടാപ്പി കപിഷ്‌ തുടങ്ങിയ കഥാപാത്രങ്ങൾക്കു ജീവൻ നൽകി വരയുടെ അൻപതു വർഷങ്ങൾ പിന്നിട്ട ആർട്ടിസ്റ് എം മോഹൻദാസിനെ ചടങ്ങിൽ പൊന്നാട അണിയിച്ച് ആദരിച്ചു. മാധ്യമ പഠന വിഭാഗം അധ്യക്ഷ രേഖ സി ജെ സ്വാഗതവും അസോസിയേഷൻ സെക്രട്ടറി ആൻസി എ എസ് നന്ദിയും പറഞ്ഞു. "മാറുന്ന മാധ്യമ ലോകത്തിന്റെ ഭാവി" എന്ന വിഷയത്തിൽ മാധ്യമ പ്രവർത്തകർ പങ്കെടുത്ത് ചർച്ച നടന്നു. ചർച്ചക്ക് മാധ്യമപഠനം വിദ്യാർത്ഥിനി ആയില്യ വി ആർ മോഡറെറ്റർ ആയിരുന്നു
www.TheCampusLifeOnlne.com
കോളേജുകളിൽ നടക്കുന്ന ഇത്തരം പ്രോഗ്രാമുകളെക്കുറിച്ചറിയുവാൻ ഞങ്ങളുടെ WhatsApp ഗ്രൂപ്പിൽ Join ചെയ്യൂ....
