ഇരിങ്ങാലക്കുട: സെൻ്റ് ജോസഫ്സ് കോളേജ് മനഃശാസ്ത്രം വിഭാഗം അസോസിയേഷൻ ഉദ്ഘാടനം ഡോ. സിസ്റ്റർ റോസ് ബാസ്റ്റിൻ (സെൽഫ് ഫിനാൻസിങ് കോർഡിനേറ്റർ ,സെൻ്റ് ജോസഫ്സ് കോളേജ് (ഓട്ടോണമസ് ) ഇരിങ്ങാലക്കുട ) നിർവഹിച്ചു. 'സൈനർജി ' എന്ന പേരിൽ നടത്തിയ പരിപാടിയിൽ മുഖ്യ അതിഥിയായിരുന്ന നബീൽ മുഹമ്മദ് ( കരിയർ കോച്ച് 'പെപ്പ് ലേണിംഗ് ' , കോഴിക്കോട് ) മനഃശാസ്ത്ര സംബന്ധമായ തുടർ പഠന സാധ്യതകളെ കുറിച്ചും തൊഴിൽ സാധ്യതകളെക്കുറിച്ചും ബോധവൽക്കരണം നടത്തി. അസോസിയേഷൻ സെക്രട്ടറി ഹൃദ്യ വൽസരാജ് ഏവർക്കും നന്ദി പ്രകാശിപ്പിച്ചു. വിദ്യാർത്ഥികളുടെ കലാപരിപാടികളോടെ പരിപാടി സമാപിച്ചു.
